ព្រឹកថ្ងៃទី១០ ខែមិថុនា ឆ្នាំ២០២៣ នៅឃុំត្រពាំងគរ ស្រុកជើងព្រៃ ខេត្តកំពង់ចាម ឯកឧត្តម ជឹម លាវ សមាជិកគណៈកម្មការទី១ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២និងលោកជំទាវស៊ី វណ្ណថា សមាជិកាគណៈកម្មការទី៩ និងជាសមាជិកាក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចូលរួមប្រជុំដើម្បីឈ្វេងយល់អំពីការអនុវត្តការងារក្នុងមូលដ្ឋានឃុំត្រពាំងគរ ដែលមានការចូលរួមពីក្រុមប្រឹក្សាឃុំ នាយប៉ុស្តិ៍រដ្ឋបាលឃុំ ស្មៀន និងមេភូមិទាំង១០ នៃឃុំត្រពាំងគរ ដើម្បីពិនិត្យការរៀបចំយុទ្ធនាឃោសនាបោះឆ្នោតនាពេលខាងមុខ និងការចែកប័ណ្ណព័ត៌មានឱ្យបានដល់ដៃរប្រពលរដ្ឋ និងជម្រាបឱ្យប្រជាពលរដ្ឋដែលមានឈ្មោះក្នុងបញ្ជីបោះឆ្នោត ឱ្យអញ្ជើញទៅបោះឆ្នោតឱ្យបានគ្រប់ៗគ្នា ។ នាឱកាសនោះដែរ ឯកឧត្តម លោកជំទាវ បានឧបត្ថម្ភដល់គ្រួសារសពចំនួន៤សព ក្នុង១សពទទួលបានថវិកាចំនួន ២០០,០០០៛ ស្ត្រីសំរាលកូន១០នាក់ក្នុង១នាក់ៗទទួលបានថវិកាចំនួន៥,០០០០៛ ឧបត្ថម្ភសមាជិកអង្គប្រជុំចំនួន៤១នាក់ក្នុងម្នាក់ៗទទួលបានថវិកាចំនួន ១០,០០០៛ ឧបត្ថម្ភប្រជាពលរដ្ឋដែលរងគ្រោះដោយគ្រោះថ្នាក់ចរាចរណ៍នូវថវិកាចំនួន ៨០,០០០៛ ឧបត្ថម្ភដល់ប៉ុស្តិ៍នគរបាលដែលកំពុងជួសជុល និងសាងសង់នូវស៊ីម៉ងត៍ចំនួន៣តោន និងឧបត្ថម្ភដល់ក្រុមការងារចុះយុទ្ធនាការឃោសនាបោះឆ្នោតនូវថវិកាចំនួន ១០,២០០,០០០៛សរុបថវិកាទាំងអស់ចំនួន ១៦,៤០០,០០០រៀល។